Stock Market සිංහලෙන් #08 - ඒකක භාර ගැන දැන ගනිමු

ඔන්න අද මම කියලා දෙන්න හදන්නේ ඒකක භාර ගැනයි. කලින් පොස්ට් එකකදී ඒකක භාර එහෙමත් නැත්තම් අරමුදල් ගැන ටිකක් කිව්වනේ. අද ඒ ගැන විස්තර කරන්නයි මම බලාපොරොත්තු වෙන්නේ. ඒ වගේම මේ පොස්ට් එක කොටස් වෙළඳපල ගැන කියලා දෙන අවසාන පොස්ට් එකයි. ඒ වුනත් ඔයගොල්ලොන්ට කොටස් වෙළඳපල මොකක් හරි ප්‍රශ්නයක් තියෙනවා නම් ඕනෑම වෙලාවක අහන්න පුළුවන්.

මම මුලින්ම කියල දෙන්නම් ඒකක භාර ගැන. ඒකක භාර එහෙමත් නැත්තම් Unit Trust කියන්නේ තවත් පිලිගත්ත ආයෝජන ක්‍රමයක්. මේකෙදි වෙන්නේ විනිමය සහ සුරැකුම්පත කොමිෂන් සභාවේ (Securities and Exchange Commission) බලපත්‍ර ලාභී කළමනාකරණ සමාගමක් විසින් නිකුත් කරපු ඒකක අපි මිලදී ගන්න එකයි. මේ සමාගම් කොටස් වෙළඳපලේ හොඳ සමාගම් ගැන හොයලා ඒවගේ ආයෝජනය කරනවා. ඒවගේ ප්‍රතිලාභ අපිට ලභා දෙනවා. මෙයාලා ගොඩක් ආයෝජනය කරන්නේ ටිකක් ලොකු සමාගම් වල. ඒ වගේම මේවගේ ආයෝජනය කලොත් අපිට අවධානම අඩුයි. නමුත් ලාභයත් ටිකක් අඩු වෙනවා. හරියට මම පහුගිය පොස්ට් එකෙන් කිව්වේ කුකුළා ගැන. අන්න ඒ වගේ වැඩක් තමයි මේක.

මේ වෙද්දී බලපත්‍ර ලබපු කළමනාකරණ සමාගම් 9ක් තියෙනවා. මම ඒවා ගැන ටිකක් කියන්නම් දැන්.

Stock Market සිංහලෙන් #07 - කොටස් දර්ශක, කොටස් ඇගයිම සහ තවත් ඒවා

ඔන්න අද මම මුලින්ම කියන්න යන්නේ කොටස් වෙළඳපලේ තියෙන දර්ශක ගැන. ඔය ප්‍රවෘර්ති වල එහෙම කියනවනේ සියලු කොටස් මිල දර්ශකය මෙච්චරක් ඉහල ගියා අච්චරක් පහල ගියා. මිලංකා මිල දර්ශකය මෙච්චරක් ඉහල ගියා අච්චරක් පහල ගියා කියලා. අද කියන්න යන්නේ අන්න ඒවා ගැන.
අපේ කොටස් වෙළඳ පලේ දර්ශක 3ක් තියෙනවා. ඒවගෙන් කොටස් වෙළඳපලේ හැසිරීම ගැන දළ අදහසක් ගන්න පුළුවන්. ඒවා තමයි සියලු කොටස් මිල දර්ශකය, මිලංකා මිල දර්ශකය සහ ස්ටෑන්ඩර්ඩ් ඇන්ඩ් පුවර් 20.

Stock Market සිංහලෙන් #06 - ලැයිස්තු ගත කිරීම් සහ පුවරු

කලින් පොස්ට් එකෙන් අපි සමාගම් වර්ග කරලා තියෙන හැටිත් ඒ ඒ වර්ග වලට අදාලව තියෙන සමාගම් ගැනත් දැන ගත්තනේ. අද මම කියලා දෙන්න හදන්නේ සමාගම් ලැයිස්තු ගත කරන හැටි. ඒ වගේම අපේ කොටස් වෙළඳපලේ කොටස් වෙන් කරලා තියෙන පුවරු ගැනත් කියල දෙන්නම්. මේක මම කලින් දාන්න හිටියත්, අත්වැරදීමකින් ඩිලීට් වෙලා. ඉතින් අයෙ ලියලා දැන් දානවා. :'(

කොටස්  වෙළඳපලේ සමාගම් ලැයිස්තු ගත කරන ආකාර

1. දායකත්වයට ඉදිරිපත් කිරීම (Offer For Subscription) - මේකෙදි අපිට කොටස් මිලදී ගන්න පුළුවන්. ප්‍රාථමික කොටස් නිකුතුවක් කියන්නෙත් මේකටමයි.
2. විකිනීමට ඉදිරිපත් කිරීම (Offer For Sale) - මෙතැනදී අලුත් කොටස් නිකුත් කරන්නේ නැහැ. දැනට ඉන්න කොටස්කරුවන්ගේ කොටස් අලුත් අයට විකිණීමයි මේකෙදි කරන්නේ.
3. හඳුන්වාදීම (Introduction) - මෙතැනදී කිසිම කොටස් නිකුත් කිරීමක් හෝ විකිණීමක් කරන්නේ නැහැ. කෙලින්ම කොටස් වෙළඳපලේ ලැයිස්තු ගත කරනවා. එතකොට අපිට කොටස් වෙලඳපලෙන්ම කොටස් ගන්න පුළුවන්.

 දැන් මම කියලා දෙන්න හදන්නේ කොටස් වෙළඳපලේ තියෙන පුවරු ගැන. ප්‍රධාන පුවරුව සහ දිරි සවි පුවරුව කියලා පුවරු දෙකක් අපේ කොටස් වෙළඳපලේ භාවිතා කරනවා. ඒවා පාවිච්චි කරන්නේ කොටස් වෙන්කරලා හඳුනා ගන්න.

Stock Market සිංහලෙන් #05 - සමාගම් හඳුනා ගැනීම

පහුගිය පොස්ට් එකෙන් තැරැව්කරුවන් ගැන දැන ගත්තනේ. ඒත් ඉතින් මේ මොනවා දැනගත්තත් වැඩක් නැහැනේ. කොටස් මිලදී ගන්න පුළුවන් සමාගම් මොනවද කියල දැනගන්නත් එපැයි. ඒ ගැන තමයි මම අද කියලා දෙන්න හදන්නේ. මීට කලින් මම දාන්න හිටියේ වෙන පොස්ට් එකක්. නමුත් මගේ අතින් වැරදිලා ඒක ඩිලීට් වෙලා.... :'( ඒක නිසා මම මේක දානවා. දාන්න හිටපු පොස්ට් ඒක අයෙත් ලියලා ඊළඟට දාන්නම්. ඒක පස්සේ දැම්මා කියලා වැඩි වෙනසක් වෙන්නේ නැහැ.

මේ පොස්ට් එකෙන් මම කියල දෙන්න හදන්නේ ඒ සමාගම් මොනවද කියන එකයි. නමුත් හැම සමාගම ගැනම මම කියන්න බලාපොරොත්තු වෙන්නේ නැහැ. මේ වෙද්දී කොටස් වෙළඳපලේ සමාගම් 284ක් (මේ අගය වෙනස් වෙන්න පුළුවන්. මාසෙකට අලුත් සමාගම් 2ක් 3ක් එකතු වෙනවා.) ලැයිස්තු ගත කරලා තියෙනවා. ඒ වගේම ඒ සමාගම් සියල්ලම ඒගොල්ලෝ කරන ව්‍යාපාරය අනුව ව්‍යාපාර වර්ග (Business Sectors :P) 20කට වෙන් කරලා තියෙනවා. මම මේ පොස්ට් එකෙන් බලාපොරොත්තු වෙන්නේ ඒ ව්‍යාපාර වර්ග ගැන හැඳින්වීමක් දෙන්නත්. ඒ ව්‍යාපාර වර්ග වලට අදාලව තියෙන සමාගම් මොනවද කියන එකත්.

Stock Market සිංහලෙන් #04 - කොටස් තැරව්කරුවන්ගේ විස්තර

පහුගිය පොස්ට් එකෙන් කොටස් ගන්න හැටි ගැන කතා කලානේ. ඒත් දැන් ගොඩක් අයට තියෙන ප්‍රශ්නේ තමයි කොහොමද බ්‍රෝකර් කෙනෙක් හොයාගන්නේ කියන එක. ඒක නිසා මම හිතුවා බ්‍රෝකර්වරුන්ගේ විස්තර ටික ඔයාලට දෙන්න. මේ වෙද්දී බලපත්‍ර ලාභී තැරව්කාර සමාගම් 28ක් තියෙනවා. ඒ වගේම එයාලගේ ශාඛා රටේ ප්‍රධාන නගර වල තියෙනවා. පහසුව සඳහා මම විස්තර ඉංග්‍රීසියෙන් දාන්නම්. ඔයාලට CDS Account එකක් හදාගන්න ඕනේ නම් ලඟම තියෙන Branch එකට Call 1ක් දීලා විස්තර අහගන්න. තවත් මොන හරි දැනගන්න ඕන නම් කමෙන්ට් 1ක් දාන්න.

Oracle SQL සිංහලෙන් - Chapter 3 - Part 02

පහුගිය කොටසින් අපි Table එකක් හදන්නේ කොහොමද කියලා දැන ගත්තනේ. අද මම කියලා දෙන්න හදන්නේ ඒ හදපු Table එකක් වෙනස් කරන්නේ කොහොමද කියන එකයි අයින් කරන්නේ කොහොමද කියන එකයි.

මුලින්ම අපි බලමු කොහොමද කියලා. මේකෙදි අපි පාවිච්චි කරන Command එක තමයි ALTER Command එක.

උඩ තියෙන්නේ අපි කලින් හදපු Table එක. අපි හිතමු මේකේ අපිට මෙයාලගේ වැටුපත් දාන්න ඕන කියලා. ඒ සඳහා තවත් එකක් දන්න අපිට පහත Statement විදියේ එකක් ලියන්න පුළුවන්.

ALTER TABLE employeesdetails
ADD salary NUMBER(8,2);

මෙතනදී අපි salary නමින් අලුත් column එකක් හදනවා. මේකෙන් පස්සේ අපිට අපේ Table පහත විදියට දැක්වෙනවා.

Stock Market සිංහලෙන් #03 - කොටස් මිලදී ගැනීම

කලින් පොස්ට් වලින් කොටස් වෙළඳපල ගැන හැඳින්විමකුත් කොටස් වර්ග ගැන සහ ආයෝජනයේ වාසි ගැන කතා කලානේ. කොටස් මිලදී ගත හැකි ක්‍රම  මොනවද කියල තමයි මේ පොස්ට් එකෙන් කියල දෙන්න හදන්නේ. මේකට ක්‍රම දෙකක් තියෙනවා.

1. ප්‍රාථමික කොටස් නිකුතුවකින් (IPO - Initial Public Offering) 
2. තැරව්කරුවෙක් හරහා ද්වියිතික වෙලඳපලෙන් (On the Secondary market through a Stockbroker)

Oracle SQL සිංහලෙන් - Chapter 3 - Part 01

පහුගිය පොස්ට් වලින් කොහොමද ඩේටාබේස් එකකින් ඩේටා ගන්නේ සහ ඒවගේ විවිධ වෙනස් කම් කරන්නේ කියල බැලුවනේ. මේකෙන් මම කියල දෙන්න හදන්නේ කොහොමද ටේබල් එකක් CREATE කරන්නේ කියල.

TABLE එකක් හදන්න කලින් TABLE සහ COLUMNS වලට දෙන නම් සඳහා තියෙන නීතින් මොනවද කියල බලමු.

1. අකුරකින් ආරම්භ කල යුතුය.
2. තිබිය හැකි අකුරු හෝ ඉලක්කම් ගණන 1-30 වේ.
3. A–Z, a–z, 0–9, _, $, සහ # යන ඒවා පමණක් භාවිත කල හැකිය.
4. එකම නම දෙවරක් යොදා ගත නොහැකිය.
5. Oracle සඳහා වෙන් කල නම් යොදා ගත නොහැකිය.

TABLE හදන්න කලින් දැන ගන්න ඕන තවත් දෙයක් තියෙනවා. ඒ තමයි DATA TYPES. දැන් අපි බලමු භාවිත වන DATA TYPES මොනවද කියලා. මම මෙතැනදී මුලිකව අවශ්‍ය වෙන ඒවා ගැන විතරක් කියන්නම්. ඉදිරියේදී අනිත් ඒවා ගැනත් කියන්නම්.

Stock Market සිංහලෙන් #02 - කොටස් වර්ග හා ආයෝජනයේ ප්‍රතිලාභ

කොටසක් යනු කුමක්ද?
කොටසක් යනු යම් සමාගමක ඔබගේ අයිතියයි.
කොටස් වර්ග
සාමාන්‍ය ඡන්ද හිමි කොටස් - Ordinary Shares (N)

• සමාගමේ මහා සභා රැස්වීම් වලදී ඡන්දය ප්‍රකාශ කිරීමේ අයිතිය ලැබේ.
• සමාගම ලාභාංශ ගෙවන විට එය ලැබීම.
• සමාගමක් ඈවර (වසා දමන විට) කරන විට, සියලුම ණයහිමියන්, ණයගැතියන් හා තැන්පත්කරුවන්ට ගෙවිය යුතු ගෙවීම් වලින් පසුව කොටස්කරුවන්ට ගෙවීම් කරනු ලැබේ.

නිෂ්ඡන්ද කොටස් - Non-Voting Ordinary Shares (X)

• සමාගමේ මහා සභා රැස්වීම් වලදී ඡන්දය ප්‍රකාශ කිරීමේ අයිතිය හැර සාමාන්‍ය කොටස් වල අයිතීන් සියල්ල ලැබෙයි.

වරණිය කොටස් - Preference Shares (P)

• කලින් ගිවිසගත් ලාභාංශ අනුපාතයක් ඇත.
• සාමාන්‍ය කොටස්කරුවන්ට පෙර ලාභාංශ ලැබේ.
• ඈවර කිරීමකදී සාමාන්‍ය කොටස්කරුවන්ට වඩා ප්‍රමුඛතාවය ලැබේ.

බලපත්‍ර - Warrants (W)

• සමාගමේ සාමාන්‍ය කොටස් යම්කිසි ගිවිසගත් මුදලකට අනාගතේදි මිලදී ගත හැකිය.

Oracle SQL සිංහලෙන් - Chapter 2 - Part 05

විචල්‍ය ආදේශනය - Substitution Variables

අද මම කියලදෙන්න යන්නේ තවත් වැදගත්ම කොටසක්. හැමදාම අපි කලේ Values SQL Statement එකට දීලා ඒ අනුව Result එක බලන එකනේ. ඒත් අද කියල දෙන්න හදන්නේ SQL Statement එක Run වෙනකොට අපිට කැමති අගයන් දීලා Result එක ගන්න පුළුවන් විදියකුයි.

මෙහිදී අපි ලියන්නේ පහත විදියටයි.

SELECT employee_id,
  last_name,
  salary,
  department_id
FROM employees
WHERE employee_id =
  &employee_num;

"&" සලකුණ මඟින් තාවකාලික අගයක් තැන්පත් කරගන්නවා. ඒ වගේම පරිශීලකයාට (User) කැමති අගයක් ලබා දෙන්න පුළුවන් කරනවා. ඉහත ප්‍රකාශනයේදී employee_num ලෙස ට කැමති අගයක් ලබා දෙන්න පුළුවන්. ඒ අගයට අනුව employee_id එක තියෙන employeeගේ විස්තර අපිට ලබාගන්න පුළුවන්. මේක කලහම පහත විදියට තමයි අපිට ප්‍රතිපලය ලැබෙන්නේ.

මෙතැනදී අපි කැමති අගයක් ලබාදෙන්න ඕනේ. අපි හිතමු "100" ලබා දුන්න කියලා. එතකොට පහත ප්‍රතිපලය ලැබෙනවා.

Stock Market සිංහලෙන් #01 - හැඳින්වීම

ගොඩක් අයගේ ඉල්ලීම මතත් ගොඩක් අය නොදන්නා දෙයක් නිසාත් මම තවත් අලුත් දෙයක් ඔයාලට කියලා දෙන්නයි හදන්නේ. අපේ ගොඩක් අය ට්‍රයි කරනවනේ ඉන්ටෙර්නෙට් එකෙන් සල්ලි හොයන්න. ගුගල් ඇඩ් සෙන්ස් , ඔඩෙස්ක් , ෆ්‍රී ලාන්ස් , ෆොරෙක්ස් ට්‍රේඩින් වගේ. ඒ විතරක් නෙමෙයි විවිධ වෙබ් සයිට් වල ඇඩ්ස් ක්ලික් කරලත් සල්ලි හොයන්න හදනවනේ. ඒත් සාර්ථක වෙන්නේ කිහිප දෙනෙක් තමයි. ඇඩ් ක්ලික් කරන එක නම් ගොඩක් වෙලාවට බොරු වැඩක්.

Oracle SQL සිංහලෙන් - Chapter 2 - Part 04

ORDER BY Clause

අපි හැමවෙලේම  Data විදියට ගද්දි ඒවා ආවේ ඩේටාබේස් එකේ තියෙන විදියට ඒ පිලිවෙලටනේ. දැන් අපි බලමු අපිට ඕන ඒවා සකස් කරගන්නේ කොහොමද කියලා.

උදාහරණයක්‌ විදියට හිතමු අපිට සේවකන් බඳවාගත් දවස් (Hire Date) පිළිවෙලට එයාලගේ විස්තර ඕනේ කියල. එතකොට අපිට පුළුවන් පහත විදියට ලියන්න.

SELECT last_name,
  job_id,
  department_id,
  hire_date
FROM employees
ORDER BY hire_date ;

Oracle SQL සිංහලෙන් - Chapter 2 - Part 03

කලින් පොස්ට් ඒකෙන් Operators ගැනත් ඒවා යොදාගන්න හැටිත් ඉගෙන ගත්තනේ. අද අපි බලමු Logical Operators එහෙමත් නැත්තම් තාර්කික සංකේත ගැන. ඒ කියන්නේ AND OR NOT වගේ ඒවා. මේවා ඔයාල කලින් ඉගෙනගෙනත් ඇති. ඒත් අපි බලමු SQL වලදී ඒවා යොදා ගන්නේ කොහොමද කියල.

සංකේතය	අර්ථය
AND	සංරචක අවශ්‍යතා දෙකම සත්‍ය වූ විට මුළු ප්‍රකාශනයම සත්‍ය වේ.
OR	සංරචක අවශ්‍යතා දෙකෙන් එකක් හෝ සත්‍ය වූ විට මුළු ප්‍රකාශනයම සත්‍ය වේ.
NOT	සංරචක අවශ්‍යතා සත්‍ය නොවූ විට ප්‍රකාශනය සත්‍ය වේ.

මෙම Logical Operators භාවිතා කරන්නත් අපි යොදා ගන්නේ WHERE Clause එකයි. දැන් මේ අපි තර්කනයන් සඳහා උදාහරණ කිහිපයක් බලමු.

Oracle SQL සිංහලෙන් - Chapter 2 - Part 02

කලින් පොස්ට් එකෙන් Operators මොනවද කියල හඳුනා ගත්තනේ. මේ පොස්ට් එකෙන් අපි ඒහා සම්බන්ධ වෙන උදාහරණ මොනවද කියල බලමු.

> ( විශාලයි )  සහ  < ( කුඩායි ) Operators

SELECT first_name, last_name, salary
FROM employees
WHERE salary > 3000;



SELECT first_name, last_name, salary
FROM employees
WHERE salary < 3000;

Oracle SQL සිංහලෙන් - Chapter 2 - Part 01

කලින් අදියරේදී අපි දත්ත ලබා ගන්න හැටි ගැන කතා කලානේ. මේ අදියරේදී මම බලාපොරොත්තු වෙන්නේ දත්ත සිමා කිරීම් සහ දත්ත සැකසීම් ගැන කියලා දෙන්නයි.

සාමාන්‍යයෙන්  අපි දත්ත ලබාගද්දී ඒ අදාල Column  එකේ තියෙන Data ටික ඔක්කොම එනවනේ. නමුත් දැන් අපි බලන්නේ තව දුරත් එහාට ගිහිල්ල අපිට එකෙනුත් අවශ්‍ය කරන ටික පමණක් ලබා ගන්නේ කොහොමද කියල බලන්නයි.

මෙහිදී අපි භාවිතා කරන්නේ WHERE කියන Clause එක එහෙම නැත්තම් විධානයයි.
දැන් බලමු කොහොමද WHERE වලින් SQL Statements ලියන්නේ කියලා.

Oracle SQL සිංහලෙන් - Chapter 1 - Part 07

Columns සම්බන්ධ කිරීම තවදුරටත්.

කලින් පොස්ට් ඒකෙන් Column එකතු කිරීම ගැන කතා කලානේ. අද තවත් ඒවා ලස්සනට එකතු කරන හැටි කියල දෙන්නයි යන්නේ.

Oracle SQL සිංහලෙන් - Chapter 1 - Part 06

කලින් පොස්ට් එකෙන් අපි ගණිතමය දේවල් ගැන ඉගෙන ගත්තනේ. අද පොස්ට් එකෙන් තවත් වැදගත් දේවල් ටිකක් කියලා දෙන්නයි බලාපොරොත්තු වෙන්නේ.
 
Column Name වෙනස් කරන හැටි.

අපි කලින් ලිව්ව Statements වලදී ආපු Results වල තිබ්බේ ඒ ඒ column වලට කලින් දීලා තිබ්බ නමමයි. ඒත් අපිට ඒක අපිට කැමති විදියට වෙනස් කරන්න පුළුවන්.
මේක අපිට දෙවිදිහකට කරන්න පුළුවන්. 

Oracle SQL සිංහලෙන් - Chapter 1 - Part 05

කලින් පොස්ට් එකෙන් SELECT එක ගැන කියල දුන්නානේ. අද මම කියල දෙන්න හදන්නේ අංක ගණිතමය ප්‍රකාශන ලියන හැටි.
සාමාන්‍යයෙන් මුලිකව අපි යොදාගන්නා  + (එකතු කිරීම), - (අඩු කිරීම), * (ගුණ කිරීම) හා / (බෙදීම) කියන ප්‍රකාශන ලියන හැටි බලමු.

Oracle SQL සිංහලෙන් - Chapter 1 - Part 04

දැන් අපි SQL Development වලට ඕන කරන ආම්පන්න ටික එහෙම රෙඩි කරගෙනනේ ඉන්නේ. වැඩේ පටන් ගන්න කලින් මම SQL එහෙම නැත්තම් Structured Query Language ගැන තව ටිකක් කියන්නම්.

• SQL කියන්නේ Database සඳහා ANSI (American National Standards Institute - ඇමරිකානු ජාතික සම්මත ආයතනය) සම්මත භාෂාවක්.
• ඒ  වගේම කාර්යක්ෂම , පහසුවෙන් ඉගෙන ගන්න වගේම පහසුවෙන් යොදා ගන්නත් පුළුවන් භාෂාවක්.
• ඒ  වගේම සම්පුර්ණ වූ භාෂාවක් (Database එකක දත්ත  නියම කරන්න , සොයා ලබාගන්න, මෙහෙයවන්න)

Oracle SQL සිංහලෙන් - Chapter 1 - Part 03

දැන් කට්ටිය Oracle Install කරලා එහෙම ඇතිනේ....

දැන් එහෙනම් hr Database 1 Unlock කරලා ඒකට Connect වෙන්නේ කොහොමද කියලා බලමු.

මුලින්ම Start Menu එකේ Search programs and files (නැත්තම් Run) එකේ sqlplus.exe කියලා Type කරන්න. එන Application එක open කරන්න.

දැන්  මෙහෙම Window 1ක් එයි.

Enter user-name: කියන තැන conn / as sysdba කියලා ටයිප් කරලා Enter කරන්න.

එතකොට පහත විදියට එයි.

ඊට පස්සේ SQL> කියන තැන alter user hr identified by hr; කියලා ටයිප් කරලා Enter කරන්න.

 ඊට පස්සේ SQL> කියන තැන alter user hr account unlock; කියලා ටයිප් කරලා Enter කරන්න. දැන් hr Database 1 Unlock වෙලා තියෙන්නේ. දැන් අපිට SQL Developer ඒකෙන Connect වෙන්න පුළුවන්.

දැන් Oracle SQL Developer එක Open කරගන්න. එකේ Connection කියන එක Right Click කරලා. New Connection කියන එක select කරන්න.

 

එතකොට පහත Window එක එයි.

එතන Connection Name, Username, Password කියන 3ටම hr කියලා දෙන්න. ඊට පස්සේ Test කියන එක Click කරන්න. Status : Success කියලා වැටෙනවා නම් වැඩේ Success. ඊට පස්සේ Connect Button 1 Click කරන්න.

 දැන් පහත විදියට පෙනේවි.

 දැන් අපිට ඉගෙන ගන්න පටන් ගන්න පුළුවන්. වැඩේ කරන හැටි මීළඟ පොස්ට් එකෙන්.....

Oracle SQL සිංහලෙන් - Chapter 1 - Part 02

ඔන්න එහෙනම් කිව්වා වගේම Oracle SQL කියලා දෙන්නයි යන්නේ. Oracle කියන්නේ මොකද්ද කියල නම් කට්ටිය දන්නවා ඇති. Oracle Corporation කියන්නේ ප්‍රධාන වශයෙන්ම  Database Management Software සංවර්ධනය කරන company එකක් ( Java develop කරපු Sun Microsystems ඒකත් අයිති මේ සමාගමටමයි). ඉතින් මෙයාලාගේ Product එකේ නමත් Oracle. එකේ Edition කීපයක්ම තියෙනවා.

SQL කියන්නේ මොකක්ද කියල දැන් කියන්නම්. SQL කියලා කෙටියෙන් කියන්නේ Structured Query Language කියන එකයි.මේකත් Programming Language එකක් හැබැයි ඒක තියෙන්නේ Database Manage කරන්න. මම මෙතැනදී කියන්න බලාපොරොත්තු වෙන්නේ Oracle SQL Developer ගැනනේ. Oracle වලට අමතරව තවත් Database System ගොඩක් තියෙනවා. Microsoft SQL Server, MySQL, Access, Sybase, DB2 වගේ ඒවා. මේ ගොඩක් ඒවාගේ SQL අතර ලොකු වෙනසක් නැහැ. මුලික දේවල් ගොඩක් සමානයි.

එහෙනම් දැන් වැඩේ පටාන් ගමු.....

මං හිතන්නේ කට්ටිය මේ වෙද්දී මම කලින් පොස්ට් එකේ කිව්ව කළමනා ටික බාගෙන ඇති... 

1.  මුලින්ම Java Development Kit (JDK) එක Install කරගන්න. ඒක සාමාන්‍ය විදියට කරන්න පුළුවන්.
2. ඊළඟට Oracle Database Express Edition එකත් සාමාන්‍ය විදියට Install කරගන්න.
3. එකේ ඒක පියවරකදී SYS හා SYSTEM Database සඳහා Password එකක් දෙන්න කියනවා. එතනදී Password ඒක විදියට system කියලම දෙන්න. ඒක ලේසියි.
4. Oracle SQL Developer එක නම් Install කරන්න දෙයක් නැහැ. කෙලින්ම Zip File එක UnZip කරන්නයි තියෙන්නේ.

දැන් ඉතින් අපිට පුළුවන් SQL Developer එකෙන් Database එකක් අපිට අවශ්‍ය විදියට Manage කරන්න. මේකට අපිට Database එකක් අවශ්‍ය වෙනවනේ. සාමාන්‍යයෙන් Oracle Database ( or Oracle Database Express Edition ) Install කරද්දී එකේ hr නමින් සමාගමක Human Resource Department එකක Sample Database එකක් අඩංගු වෙනවා. ඒත් මේ Database එක Lock කරලා තමයි තියෙන්නේ. ඒක Unlock කරන හැටිත් ඊට පස්සේ Database එකට SQL Developer එකෙන් Database එකට Connect වෙන හැටිත් ඊළඟ ලිපියෙන් කියලා දෙන්නම්.

Oracle SQL සිංහලෙන් - Chapter 1 - Part 01

ඉඳලා ඉඳලා බ්ලොග් එකක් හැදුවට ඒකට මුකුත්ම දාන්නත් බැරි වුනා. මොනාව හරි දාන්නම් කියල ඉද්දි කැම්පස් යන්නත් වුනා. අන්තිමේදී එහෙ වැඩට හිර වුන නිසා බ්ලොග් එක ගැන බලන්න අමතකම වෙලා ගියා.

ඒත් යාලුවෝ කීපදෙනෙක්ම කිව්වා බ්ලොග් එක හොඳට කරන්න කියලා. එක්සැම් එකත් ඉවර වෙලා ටිකක් ෆ්‍රී වුන එකේ මටත් හිතුනා බ්ලොග් එක ලියන්න ගත්තොත් හොඳයි නේද කියලා. එහෙම හිතල තමයි මම ඇක්සස් IPO එක ගැන පොස්ට් එකක් දැම්මෙත්.

මම හිතුවා මම දන්න දෙයක් කියල දුන්නොත් හොඳයි කියලා. එක නිසා මම හිතුව Oracle SQL කියලා දෙන්න. ඉස්සරහට ඉඩ තියෙන වෙලාවක වෙන වෙන ලැන්ග්වේජස් ටිකක් දාන්න බලන්නම්. ඒ වගේම Share Market එක ගැනත් පොස්ට් දාන්න තමා හිතාගෙන ඉන්නේ. මොකද ඉගෙන ගන්න වගේම ඒ අතරේ සල්ලි ටිකක් හොයා ගන්න පුළුවන් නම් ඒකත් ලොකු දෙයක්නේ ( Earn While Learn කියනවනේ හී... හී...).

හරි මම දැන් කියන්නම් වැඩේට ඕන ආම්පන්න ටික මොනාද කියලා.... 

Oracle Database

http://www.oracle.com/technetwork/database/enterprise-edition/downloads/index.html

එහෙමත් නැත්නම්  

Oracle Database Express Edition

http://www.oracle.com/technetwork/database/express-edition/downloads/index.html

(Oracle Database Express Edition එක භාවිතා කරනවා නම් වඩාත් ලේසි. Oracle Database එක ටිකක් ඇඩ්වාන්ස්. අපි පුහුණු වෙන්න කරන නිසා Oracle Database Express Edition එක හොඳයි.)

Oracle SQL Developer

http://www.oracle.com/technetwork/developer-tools/sql-developer/downloads/index.html

මේ ලින්ක් වලින් ඔයාලට අවශ්‍ය version 1 තෝරාගෙන Download කරගන්න. Oracle SQL Developer එක වැඩ කරන්න නම් අපේ පරිගණකයේ Java Development Kit (JDK) ඒකත් Install කරලා තියෙන්න ඕන.

හරි දැන් ඔය ටික Download කරගෙන තියාගන්න. මම ඊළඟ පොස්ට් එකෙන් SQL ගැන කෙටි හැඳින්වීමක් කරලා Oracle Database Express Edition එක Install කරන හැටිත් Oracle SQL Developer එක Connect කරන හැටිත් කියලා දෙන්නම්....